“NARINIG mo ba iyong sinabi ko?” tanong ni Erik sa kanya saka siya matamis na nginitian nang manatili siyang umiiyak habang nakatingala at nakatitig dito.
Tumango lang siya.
“Wala kang sasabihin?” si Erik iyon na titig na titig sa mukha niya.
Noon siya napayuko saka suminghot. “A-Anong gusto mong sabihin ko?” aniyang muling napasigok.
Sa pagkakataong iyon alam ni Mia na iba na ang dahilan ang pag-iyak niya.
Alam niyang hindi na ang nangyari kanina at ang lahat ng masasakit na sinabi ni Bernie ang dahilan ng kanyang mga luha. Kundi ang dalawang maliliit na salitang namutawi mula sa mga labi ng lalaking pinakamamahal niya.
“Well, kung wala kang sasabihin, ako nalang. Kasi marami akong gustong sabihin,” si Erik iyon.
Masaya na ang tono ng boses nito at nakita rin niya ang magandang kis
