"BAKIT dito mo ako dinala Erik?" hindi makatingin si Mia ng diretso kay Erik pero hindi parin niya naitago ang pagtutol na kalakip ng sinabi niyang iyon.
Ang tinutukoy niya ay ang bahay ng binata. Inasahan kasi niya na sa bahay niya siya ihahatid nito pero iba ang nangyari. Hindi naman dahil sa ayaw niyang makasama ang lalaki. Ang totoo, nahihiya siya rito dahil sa pagkakatuklas nito ngayon sa totoong hanapbuhay niya.
"Ano bang problema kung dito kita dinala? Wala naman akong planong gawan ka nang masama," sagot ng binata saka kinalas ang suot nitong seatbelt.
"Alam ko naman iyon," aniyang nagbuntong hininga saka narin minabuting tanggaling ang pagkaka-buckle ng seatbelt niya.
"Mia," untag sa kaniya ng binata. "Look at me," utos pa nito sa karaniwan na nitong mabait na tono at iyon an
