KUMISLAP ang mga mata ni Erik sa sinabi niyang iyon. Pagkatapos, walang anumang salita ay siniil siya nito ng halik at ilang sandali pa ay natagpuan na lamang niya ang sariling siya na ang nakaupo sa ibabaw ng binata.
"Are you okay?" tanong ni Erik nang marahil mahalata nito ang pag-aalangan niya.
Noon lakas-loob na tumango si Mia at pagkatapos ay hinaplos ang gwapong binata na ngayon ay nananatiling nakatitig lang sa kaniya. Hindi man ganoon kaliwanag ang silid dahil sapat lang ang liwanag na pumapasok doon mula sa sala ay malinaw paring nabibista ng dalaga ang kasiyahan sa mga mata ni Erik. At ang damdaming iyon ang nagbigay ng sapat na lakas ng loob sa kaniya upang gawin ang isang bagay na kanina lang ay hiningi niya.
Narinig niya ang marahas na paghugot ng hininga ni Erik nang damhi
