PRESENT DAY...
HINDI napigilan ni Mia ang mapangiti dahil sa daloy ng mga alaala. Pagkatapos noon ay minabuti niyang ibalik na ang damit sa loob ng aparador saka na siya nahiga. Habang hindi parin nawawala sa pakiramdam niya ang mainit na labi ni Erik na tila ba hanggang ngayon ay patuloy sa banayad na paghaplos sa kaniyang mga labi.
Agad na nag-init ang buong mukha ni Mia.
Hindi niya maintindihan ang sarili niya. Alam niyang normal lamang kung makakaramdam siya ng galit pero wala siyang makapang ganoon sa kaniyang dibdib. At kung magiging totoo lang siya sa kaniyang sarili, alam niyang gusto niyang ulitin pa ang nangyaring iyon sa pagitan nilang dalawa ng lalaking una niyang minahal.
Nang dumaan sa isipan niya ang isang posibleng dahilan ay malungkot na nagbuntong hininga si Mia.
H
