“MASAYA ako para sa iyo. At least ngayong malinaw na ang lahat, hindi ka na mahihirapan na protektahan siya,” si William kinabukasan nang ipaalam niya rito ang tungkol sa kanila ni Mia.
Nasa harapan noon ni Erik at nakapatong sa ibabaw ng kanyang working table ang isang maliit at kulay pulang kahon. Bukas iyon kaya malaya niyang napagmamasdan ang isang maganda at mamahaling diamond engagement ring na binili niya kanina kasama si William.
Para kay Mia iyon. Para sa babaeng mahal na mahal niya kaya pakakasalan niya.
Maluwang ang pagkakangiting nagkibit ng kanyang mga balikat si Erik sa sinabing iyon ng kaibigan niya. Pagkatapos ay kinuha niya ang kahon. Isinara at ipinasok sa bulsa ng suot niyang pantalon.
Ngayon palang, nai-imagine na niya kung gaano kaganda ang magiging ngiti ni
