NANGUNOT ang noo ni Zia nang makita ang gulat sa mga mata ng sekretarya ni Kier, pagkakita sa kanya. Hindi rin nakaligtas sa kanya ang sandaling pananalim ng mga mata nito. Saglit lang, na inisip niyang guni-guni niya lang.
Ipinasya niyang mag-absent muna nang araw na iyon at puntahan ang alam niyang nagtatampong nobyo.
Mula noong gabi ng Anniversary Party ng kompanya nila ay hindi pa ulit nagpapakita sa kanya ang nobyo. Inisip niya noong una na baka nagpapalamig lamang ito dahil sa naging pagtatalo nila nang gabing iyon. Sabado ng gabi naganap ang party, kinabukasan ay linggo, tinatawagan niya ito upang magkita sila at maayos ang gusot sa pagitan nilang dalawa ngunit hindi niya ito na-contact, kahit buong maghapon siya halos tawag ng tawag dito.
Pagkaalis pa lamang ni Lucian nang araw
