-----
Napangiti ang isang siyam na taon na batang babae, habang lihim na nakamasid sa batang lalaki na kanina pa sunod na sunod sa kanya.
Halatang- halata nya na sinusundan sya nito. Nakatago ito sa likod ng punong niyog pero nakikita parin nya ito.
Malayang isinayaw ng hangin ang kanyang mahabang kulot na buhok. Natural ang buhok nya. Sadyang isinilang sya na kulot ang kanyang buhok.
Minsan, hindi nya mapigilan na mainggit sa mga babae na may straight na buhok. Para kasi sa kanya, kakaiba sya sa mga ito at mas maganda ang buhok ng mga ito kaysa sa kanya.
Palingon- lingon sya, lihim na hinahanap ng kanyang mga mata ang batang lalaki na sa tingin nya mas matanda lang sa kanya ng ilang taon. Hindi na kasi nya ito namataan sa likod ng punong niyog. Kaya hindi nya tuloy nakita ang isang
