Ito na naman ang isang pagsubok na araw sa akin. Kailangan kong um-attend sa family dinner na nai-set up na ni Mom. Magwawala na naman iyon kapag hindi ako pumunta. Tungkol pa naman sa akin ang dinner na iyon.
Kakakita ko lang kay Rinniel, makikita ko na naman siya. Ang gulo-gulo talaga ng tadhana sa akin. Para na naman akong pinaglalaruan at wala akong choice sa mga nangyayari.
Nagsuot ako ng maayos na blouse at skirt para kahit papaano ay matuwa si Mom sa suot ko. Gusto niya kapag ganito ay presentable kaming tingnan. Kung pwede lang sana akong maging nerd ngayon, gagawin ko. Nga lang, kilala na kasi ni Rinniel ang itsura ko bilang Mori. Baka guluhin niya lang ako sa school, graduating pa naman ako.
"Ready ka na bang umalis?" tanong sa akin ni Charlie, kanina pa naghihintay sa akin. N
