Nagsimula na ang photoshoot. Tinatanaw ko lang si Rinniel sa kanyang pwesto. May mga inuutos pa sa kanya kaya hindi pa siya kinukuhanan ng mga larawan.
Nagulat ako nang bigla siyang naghubad ng t-shirt. Agad akong napatingin sa malayo dahil baka isipin ng iba ay pinagnanasaan ko siya ng tingin.
"Ayan! Ang ganda ng mga photos!" tuwang-tuwang sabi ng photographer.
Napalingon ako sa kanila. Kung anu-anong pose ang pinapagawa kay Rinniel. Ngayon lang magkakaroon ng photoshoot si Rinniel na kita ang upper body. Tiyak na magkakagulo ang fans niya kapag inilabas ito ng company namin.
Gusto ko sana siyang kuhanan ng litrato sa aking cellphone kaso baka mamaya makita niya pa, lalo na magtu-tutor na rin ako sa pamangkin niya. Tama na siguro itong actual kong nakikita ang itsura niya.
"Water, ih
