Napakaganda ng aming training room! Hindi siya halata na ganito ang loob. Normal na condo unit lang siya pagkabukas ng pintuan. Mayroon kasing parang divider para hindi agad bubungad ang training room. Magaling ang pagkakagawa nila rito.
Sumunod ako kay Kiro kung nasaan naka-display ang mga armas na pwede naming gamitin ngayon. Soundproof din ata ang unit na ito dahil mayroong mga baril din. Kami lang dalawa ngayon ang tao rito kaya kumportable ako. Isa pa, wala na rin namang makakakilala sa akin sapagkat mabilis kong natutunan ang ayos na ginawa sa akin ni Lei.
"Ano ang gusto mong unahing aralin ngayon?" tanong sa akin ni Kiro.
Tumingin akong mabuti sa mga armas. Baril talaga ang una kong nakita na palagay ko ay mabilis kong matututunan. Iyan din palagi ang ginagamit ng ibang tao bila
