Hindi ako makatingin nang diretso kay Rinniel. Nahihiya ako at first time ko na naman ito, ang mahalikan sa pisngi ng ibang lalaki bukod sa pamilya ko.
Napakagat ako ng aking labi. Umamin na ako sa kanya nang biglaan. Masyado akong na-overwhelm sa nararamdaman ko. Hindi ko kinayang magsinungaling sa kanya.
"Kailan mo pa ako nagustuhan?" tanong na pabulong niya sa akin. Damang-dama ko pa ang mainit na hanging nagmumula sa kanyang bibig.
"Simula noong nag-artista ka, napansin na talaga kita. Hindi ako mahilig sa pagiging fangirling pero nang dahil sa iyo ay napabilang ako," nahihiyang sagot ko sa kanya.
Ang ulo ko ay isinandal ko na lang sa balikat niya. Ang lapit niya masyado kaya iyon lang ang kaya kong gawin para makaiwas sa kanyang tingin.
Inilagay niya ang kamay niya sa aking liku
