Dalawang araw kaming walang klase para makapili ng org na sasalihan. Excited na akong makasali sa org nila Rinniel.
Hinihintay ko na lang si Zenaia para sabay kaming mag-a-apply sa judo org. Sino kaya ang pipiliin niyang mentor? Mukhang hindi naman kami magkakapareho dahil walang ibang sinabihan si Rinniel.
Sakto naman na nakita ko si Rinniel kasama ang barkada niyang si Ken. Ngayon ko lang napapansin na kasama na niya ulit ang lalaki na iyon.
"Nariyan ka pala, Mori. Bakit hindi ka pa pumupunta sa room para mag-apply?" Nagulat na lang ako nang sumulpot si Rinniel at Ken sa gilid ko.
"Why? Sasali ba siya sa org natin?" nagtatakang tanong ni Ken.
"Yes po. May hinihintay lang akong kaibigan na kasabay sa pagsali," nakangiting sagot ko sa kanila.
"Okay, maghihintay na lang kami. Sana ay
