Nawala na sa isip ko na nakalipat na nga pala ngayong sem si Keanna. Nakita ko na lang siya bigla kaya agad ko siyang sinundan nang palihim.
Ang pinsan kong si Keanna ay nagsisimula nang lumapit kay Rinniel. Katulad ko, tumatambay din siya sa may tapat ng engineering building.
Hindi ko na tuloy magawang tumambay doon dahil sa takot na baka makilala ako ni Keanna.
Sa ngayon, ang patu-tutor na lang sa bahay nila Rinniel ang chance ko na makita at makasama siya. Minsan kasi ay wala siya kaya minsan ay napapaaga na rin ang awas ko.
"Sis, hindi ka ba muna pupunta sa tambayan ng org?" tanong ni Zenaia.
"Naku, mag-tutor ako after class. Alam mo na, raket muna para pandagdag baon ay gastusin," palusot ko.
"Kung kukuha si Mom ng assistant ko, kukunin agad kita para hindi ka na rin nahihirap
