Kapag binabanggit niya ang pangalang Ereine ay nakikita ko sa kanyang mga mata ang lungkot at sakit. Mayroon pa rin siyang hindi sinasabi sa akin. Ang hirap niyang pagkatiwalaan kung kulang-kulang ang kuwento niya.
"Paano kung bumalik siya?" malungkot na tanong ko sa kanya. "Alam kong wala akong laban sa kanya. Matagal mo na siyang nakasama kumpara sa akin. Minsan pa tayo magkita kaya paano ako makasisiguro na ako pa rin ang pipiliin mo?"
Hindi siya umimik. Nakatingin lang siya sa kanyang paanan. Humarap na lang din ako sa table para mabawasan ang pag-o-overthink ko. Halata sa kanya na affected pa rin siya kay Ereine.
"Hindi ko alam kung totoo ba talaga ang nararamdaman mo sa akin o baka nakikita mo lang ako sa kanya. Kung ganoon, tigilan na lang natin ito. Kapag bumalik siya, masasakta
