Dahil sa patuloy na pag-iyak kaya hiningal si Kimberly at napagod. Gustong-gusto niyang makalayo kay Sam dahil sa sobrang sama ng loob. Hanggang ngayon ay hindi pa rin maalis-alis sa isip niya ang nakitang pagyayakapan nito at ng isang babae.
At ang higit na ikinakasama pa ng kaniyang loob ay mismong sa loob pa ng isang ladies' botique. Malamang ay pinagsa-shopping ni Sam ang hitad na 'yon. Mabuti na lamang at naisipan niyang dumaan ng mall kaya nabisto niya ang panloloko nito sa kaniya.
Alam niyang wala pa siyang karapatang magselos dahil hindi pa naman opisyal ang kanilang relasyon. Ni hindi pa nga nanliligaw sa kaniya si Sam, maliban sa paulit-ulit na pagsabi ng binata na gusto siya nito. Pero para kay Kimberly na lihim ng umiibig kay Sam kaya natural lang ang nararamdaman niyang selo
