Hanggang sa pumasok ang dalawa sa loob ng sinehan at horror movie ang kanilang pinanood. Hindi sinabi ni Ula, na matakutin siya sa mga horror na palabas. Ito rin ang kauna-unahang pagkakataon na nakapasok siya ng sinehan
"Ahhh! O... ayan na... humaygad!" takot na takot niyang sabi. Dahil papalapit na ang 'momo' sa batang nakatalikod at handa na itong kaiinin.
Dahil sa sobrang takot niya ay napayakap siya ng husto sa kaniyang boss. Ang mukha nito ay nakasunsob sa kilikili ni Giby. Tawang-tawa naman ito dahil nakiliti siya sa ginawa ni Ula. Sapagkat sobrang likot ng kaniyang ulo.
"Wala na tingnan mo," sabi ng kaniyang boss.
"Ayaw ko... ayaw ko! Nakakatakot uwi na tayo. Lord — Ilabas mo ako dito! Ayaw ko pang mamatay!"
Dahil sa pagmamakaawa niya ay napilitan si Giby na lumabas na lang.
