Chapter 18: Drunk In Love
Sumapit ang gabi at nagsusunog ako ng kilay. Tinambakan kami ng sandamakmak na assignment ng ibang subject namin. Pag-uwi ko kanina mula sa paaralan ay nakaharap agad ako sa laptop.
Research doon, research dito.
Maganda ang naidudulot ng teknolohiya at ang pagiging moderno ng ating panahon, ‘yun nga lang pati ang mga takdang aralin ay pangmoderno na rin.
‘Yung iba nga sa pinapasaliksik sa amin ay hindi ko alam. Pero wala akong magagawa dahil ‘yun ang pinapagawa sa amin.
Sa aming major subject naman ay pinapahanda na kami ng sariling menu namin. Dahil bago matapos ang first semester ay mayroon kaming NC2 na kukunin.
Habang nakaharap ako sa laptop at patuloy na nagsasaliksik ay biglang kumalam ang aking sikmura. Pagtingin ko sa orasan ay alas siyete na
