ANGELA’S POV
Bumalik ako muli sa mundo ng mga tao ngunit hindi na alo maaring gumamit pa ng ibang katawan. Sa ngayon ginagamit ko na ang totoong ako at hindi ko na maari pang gumamit ng iba. Nasa labas ako ngayon ng isang gate kung sa’n ang mission ko. Hindi ko alam kung anong mero’n sa kanya na wala sa iba, e.
“Masyadong malaki ang bahay na ‘to para sa ‘kin,” sabi ko nang nakangiwi.
Pinindot ko na ang door bell at saka ako napabuntong hininga. Inaamin kong masyado akong nabubugnot ngayon. Ang misyon na ‘to’y madali lang ngunit parang matatagalan pa bago matapos. Tatlong b’wan lang ang palugit sa ‘kin. Nang bumukas ang pinto ay saka ako tinignan ng guard mula ulo hanggang paa. Hinuhusgahan nya ako base sa aking itsura.
“Ano pong ina-applyan nyo?” tanong nito sa ‘kin.
