MARVIN'S POV
TATLONG LINGGO NANG nawawala si Sha-sha namin at tatlong linggo na rin akong pumapaskil sa mga pader na mga litrato niya.
Napabuntong-hininga ako at naupo saglit sa bato sa tabi ng poste. Hindi ko alam kung bakit siya nag-layas. Malakas ang kutob ko na may ginawa si Mariel sa anak niya. Hindi ko siya mabawal-bawal dahil napakatigas ng ulo niya.
Kahit anong panenermon ko hindi siya nakikinig, sinasaktan niya 'lagi ang anak niya. Hindi ba siya naaawa? Sana pala ako na lang ang nabigyang anak tulad ni Sha-sha.
Wala akong anak ni-isa. Hindi ko piniling mag-asawa, mas pinili ko na lang na pakisamahan ang kapatid ko at magpaka-ama sa mga anak niya. Alam kong hindi naman niya kayang buhayin ang dalawa, maganda ang pamumuhay ko at marunong akong humawak ng pera. Hindi katulad niy
