عهد القدماء

الحلقة ال _ 13

السلسلة الثانية

"اولئك الذين عاشوا الضعف هم اكثرنا شعورا بالقوة"

كايبرن(كايبرن شخص مجهول

الطول:155 الوزن:70 السن:67

الشكل:وش مدور عين ضيقة و واخد خط على خدو واضح

جسمو:قصير و تخين و كرشو كبير قدامة

القدرة:بوابة تنقل بيقدر يفتح بوابة تنقلة من مكان لمكان بسرعة كبيرة)

ستيفانى(ستيفانى بنت كايبرن

الطول:170 الوزن:64 السن:16

الشكل:بيضة جدااا وشها مدور و عندها غمزات حلوين.

القدرة:مجهول)

فى طوكيو اليابان.

عمارة كبيرة فى اخر دور على السطح شخص قاعد فى جاكوزى و شخص لابس بدلة واقف قدامة و ماسك ورق

الشخص:لقد وجدنا المعلومات سيدى

كايبرن:خدت وقتك قولها

الشخص:الاسم:احمد يوسف

السن:17 سنة

الاقارب:اخت ياسمين-ام منار-اب يوسف-ابن خالة محمد-خالة عبير

القدرة:لا يوجد

كايبرن برق للشخص

كايبرن بزعيق:يعنى ايه لايوجد؟

الشخص:معرفش يا سيدى هذه معلوماتنا من مص*ر موثوق

كايبرن:كمل

الشخص:اهلة و مدرستة و اي حد كانو بيتنمرو عليه و يض*بوه و كرهينهة طول حياتة لحد من اربع شهور سافر لجزيرة تدعى جزيرة القمر و رجع شخص تانى بقى قوى و مليان عضلات و زي ماشوفنا امبارح

كايبرن:يعنى اللى حصلة فى الجزيرة دي هي اللى خلتة يدمر النيزك بلكمة واحدة

الشخص:لا اعرف يا سيدى

كايبرن:اعرفلى ايه اللى حصل بسرعة

خرج الشخص و دخلت بنت و قعدت على كرسى قدام كايبرن

كايبرن:ستيفانى حبيبتى ازيك؟

ستيفانى:بابا شفت الى حصل

كايبرن:اه على الولد اللى دمر خططنا

ستيفانى بغضب :اه هتعمل ايه؟

كايبرن ابتسم بشر:هنزورة طبعا هههههههه

########

انا خرجت من عند مي وباباها ناصر بعد ما كنت بايت عندهم طول الليل و مشيت فى الشارع لقيت الناس مش عارفانى انا استغربت لانى متأكد ان وشى ظهر فى الكاميرا امبارح روحت البيت و اول ما فتحت الباب لقيتهم كلهم نايمين على الارض ياسمين و ماما و بابا و مدام مها و هناء و مصطفى انا ضحكت على شكلهم قربت من ياسمين و شلتها بين ايدي من غير ماتصحا و دخلتها الاوضة و قفلت حطتها على السرير لقتها صحيت اول ماشف*نى عيطت و نطت فى حضنى

ياسمين بعياط جامد:انا خفت عليك ماتسبناش تانى عشان خاطرى .

انا حطيت ايدي على راسها : مفيش حاجة فى الدنيا دي هتخليني اسيبكم انا اسف انى قلقتكم

خرجت من الاوضة و صقفت كذة مرة صحيو كلهم و بعد ما فاقو بصولى و كلة مبرق كأنهم مل يعرفونيش و لقيت ماما جريت و حضنتى جامد و هي بتعيط انا لتانى مرة فى حياتى احس بحنانها كأم و انها كانت خايفة عليا حضنتها جامد عليا

يوسف:احمد انت ازاى عملت كده؟

انا:عملت ايه؟قصدك النيزك انا ض*بتة بس

هناء:مستحيل ابطال ال(اس)كلهم معرفوش هل ده معناه انك بطل (اس)

انا:ههههههه اظن كده .

سبتهم ودخلت اوضتي قررت اني اتأمل لاني من ساعة لما جيت متأملتش فقعدت على السرير و غمضت عيني و ضميت ايدي و ابتديت اتأمل وانا بتأمل حسيت بقوة جوايا كل قوتى و ان جسمى قادر يستحملها استغربت لان الالهة قالولى ان جسمى ميستحملش القوة رحت مستخدمها كلها خدت كل قوتى و حسيت بالفرق فتحت عيني مكنش فات وقت كتير خرجت من الاوضة ملقتش مدام مها ولا ماما وبابا خبط على ياسمين و فتحت لقتها هي و هناء نايمين سبتهم و نزلت عشان اروح للشركة نزلت من العمارة و مشيت وانا شايف الناس مش مركزين معايا فضلت مستغرب لحد ما وصلت الشركة دخلت و طلعت للرئيس

لقيتة هو و عماد بيتكلمو اول مدخلت بصلى

االرئيس بزعيق:ايه اللى عملتو امبارح دة ؟

انا:انقذتكم كلكم

الرئيس بغضب و زعيق:انت غبى انت عرضت وشك للعالم كلة انت مش عارف اننا بنخفى هويتنا الحقيقة عشان الناس اللى بنحبهم مايتأذوش ايه معندكش حد بتحبو؟ملكش اهل؟ احنا قدرنا نتمالك الموقف بقدرة عماد انت عارف انة قعد طول الليل يغير شكلك من كل فيديو فى العالم اشكرة على اللى عمله.....

انا حسيت ان عنده حق:شكرا يا عماد انا اسف انى تعبتكم

الرئيس هدي و بصلى:بص يا احمد انت قوى اقوى شخص شوفتة فى حياتى بس انت لسة طفل متعرفش العالم اللى انت عايش فيه ارجوك سبنى اساعدك

انا:انا اسف وانا معاك

الرئيس:بص بقى انت امبارح وريت العالم ان فيه بطل قوى كفاية انة يدمر نيزك قادر يدمر العالم كلة بلكمة واحدة لازم بقى نسميك و نحطك فى الرتبة ( اس )

انا:ماشى هتسمونى ايه؟ههههههه

الرئيس:لسا مش عارفين هنفكر فى حاجة

عماد:سيدى الرئيس الاجتماع

الرئيس:اه صحيح نسيت يلا يا احمد

انا:يلا فين؟

الرئيس:رؤساء الشركات و ابطال ال(اس) طالبين يتجمعو معاك

انا:ماشى بس لو حد سأل سؤال مش عايز اجاوبة مش هجاوب

الرئيس ضحك جامد:هههههههههه ماشى هموت و اشوف شكلهم و انت بترد عليهم عرفهم مقامهم هههههههه

نزلنا كلنا و ركبنا عربية كبيرة و مشينا كتير كنت انا نمت شوية لحد اما وصلنا لبيت كبير زي قصر كبير جداا و شكلو حلو فى وسط شجر دخلنا كلنا لقيت ابطال ال(اس)و رؤساء الشركات كلهم قاعدين و بيتكلمو اول لما دخلنا كلة بصلى مشيت لحد النص لقيت رؤساء الشركات وقفوا و انحنو

رئيس شركة النمر الابيض:احنا كلنا بنشكرك انك انقذتنا

انا ابتسمت على التواضع و انهم انحنو:ملوش داعى اتعدلو ارجوكم

قعدنا كلنا فى دايرة و كلهم باصنلى و مبرقين

شهاب : ازاى بقيت بالقوة دي؟

انا:اتدربت

مالك : مستحيل يكون التدريب بس

باسل : انت دمرت نيزك بلكمة واحدة نيزك احنا كلنا مقدرناش نحركة حتى مالك بكل قوتة مقدرش مستحيل تقولنا تدريب بس

انا:ممكن متصدقوش بس ده كل اللى عملتة

رئيس اله القوة:انا حزين انك انضميت لشركة العنقاء هههههه

رئيس المميزين:بس احنا حاسين بالراحة ان بطل زيك وسطنا

مالك بصلى بغضب و غيرة:طبعا راحة

كريستين:بس انت مش قوى بس و كمان وسيم

انا بصتلها و ابتسمت

اليس:كريستين اهدي!

كريستين:ايه غيرانة؟هههههه عايزاه ليكي لوحدك؟

اليس ات**فت:قولتلك اسكتى

رئيس العنقا ء: بمناسبة الاجتماع ده احنا قررنا رؤساء الشركات ان احمد هيبقى بطل من ال(اس) الرتبة 11 و يقدر يرفعها لما يهزم صاحب الرتبة الى هو عايزها هنعلن عن ده فى سبق صحفى بكرة نكون اخترنا اسم ليه و عملنالة لبس

رئيس النمر الابيض:اللبس الخاص بالابطال يا احمد بيكون مختلف معمول بقطن معين عشان يمتص الصدمات و لازم تلبسة بما انك بطل.

انا:طب انا عايز اعمل لبسى انا

رئيس العنقاء:بلاش يا احمد حتى لو كنت قوى هتحتاج اللبس ده

انا:لالا اسمحولى اعمل لبسى انتم بس اختارو اسم

كلهم بصو لبعض و قالو:خلاص اللى يريحك

ادهم بصلى و حدف عليا خنجر بسرعة انا شفت الخنجر و مسكتو بصباعين و بصتلو ادهم اتخض

رئيس العنقاء بغضب:ايه اللى عملتة ده؟

ادهم بقلق:مسكة مش كده يبقى مفيش حاجة

انا قمت وقفت:انا مضطر امشى شكرا على مقابلتكم ابطال ال(اس) بصيت ل اليس بقوة

انا:البطلة اليس

اليس بصتلى بقلق شوية من بصتى:ايوا

انا:........ممكن اخد توقيعك لاختى ههههه

كلهم بصولى و بعدين ضحكو كلهم

اليس:اتفضل هههههههه

خدت التوقيع ومشيت

مالك:انا مش مصدق اي كلمة طلعت منة

شهاب:مش مصدق ولا غيران لانة اقوى منك

مالك بغضب:اخرس محدش اقوي منى انا اقوى رجل على الارض

باسل:باين لا هههههههه

مالك:قلت ايه؟؟

رئيس العنقاء:اهدي يا مالك احمد قوي بس مانعرفش مقدار قوتة لسة

كيفن:حد بص على احصائياتة؟؟

كلهم:لا

كيفن:المرة الجاية نشوف

..

بعد اما خرجت من البيت لقيت العربية واقفة برا ركبت و قولتلة يرجعنى لمقر الشركة رجعت و مشيت لحد البيت وانا ماشى قررت انى مروحش دلوقتى و فضلت اتمشى و اشوف الناس فرحانة انهم عايشين و الناس بتتكلم على البطل اللى دمر النيزك و قد ايه هو قوى بصيت على تليفزيون فى محل لقيت المشهد بتاع تدمير النيزك بس لقيت نفسى لابس قناع اسود حوالين عيني شكلى مايبنش انة انا فضلت اتمشى لحد اما الوقت اتأخر رجعت البيت و طلعت وقفت قدام الشقة سمعت صوت غريب و كذا رجل و صوت همهمة فتحت الشقة و فتحت عيني على اخرها............