عهد القدماء

الحلقة الاولي #الارادة

الجزء الاول #الارادة

توضيح الرواية من البداية كانت معمولة للاطفال لكن كبرتها وحدثتها عشان تناسب الجميع بس من الاساس مقصود بيها ربات المنزل عشان يقراوها ويحكوها ل اطفالهم لانها بسيطة جدا ومش معقدة وكلها خيال واكشن حلو لكل الاعمار

اتمني تقولو رايكم وتقييمكم

شرح للقصة: القصة دي مختلفة شوية عن اي قصة قرأتها قبل كده بس اللى مخلى القصة دي مختلفة هي انها فيها (قوة خارقة) الشخصيات عندهم قوة خارقة و ده عالم مليان بكده وكمان هنلاقى القدرات متكررة بس اقوى يعنى اتنين عندهم نفس القوة بس واحد اقوى و بتقدر تطور قوتك مع التدريب بس فيه قوة مابتتطورش

خلينا نبدأ.

الشخصيات المهمة و الباقى هشرحهم لما نوصلهم.

احمد (احمد هو بطلنا بتاع القصة

طوله:165. وزنه:46 سنو:17

شكلو:عادى يميل للقبح عندو حبوب فى وشو عندو هالات سودة تحت عنيه لون عينه اسود و عينه ضيقة شوية.

جسمو:ضعيف جدا رفيع بس مش اوي عندو حدب بس مش كبير.

القدرة: ليست لديه قدرة.

نبذة عنة : احمد معندوش صحاب حتي الى شبهو بيخافو يصاحبوه طيب بس بيكره نفسو و دايما بيتنمرو عليه فى المدرسة ).

ياسمين(ياسمين هي اخت احمد شخصية مهمة للقصة

طولها:175 وزنها:65 سنها:18

شكلها:جميلة جدا شعرها اسود و طويل عنيها واسعة و لونهم عسلي .

القدرة:الجاذبية عندها تحكم فى الجاذبية بس بمقدار قليل يعنى فى قطر 5 اقدام بس قابلة للتطوير.

نبذة عنها : ياسمين مشهورة جدا فى المدرسة و محبوبة في اي حته عشان جمالها و كمان قوتها و هي ذكية فى المدرسة تبان طيبة و كل الولاد هيموتو علي كلمة منها بتكره احمد اخوها لانو وحش و معندوش قوة و بتتنمر عليه دايما ف البيت ).

منار ( منار هي ام احمد مهمة للقصة

طولها : 170 وزنها : 70 سنها : 42

شكلها : بيضاء جداا و شعرها اصفر هي صبغاه و عينيها واسعة ولونها اخضر .

القدرة : تحريك الاشياء بس بقوة ضعيفة متقدرش تحرك حاجات تقيلة زي كنبة ممكن كرسى او كوباية بس غير قابلة للتطوير.

نبذة عنها:منار ست بيت عادية بس عندها عقدة الخوف من السن عشان كده بتهتم بتمارينها كل ستات العمارة بيجولها لمشاكلهم و كل حاجة بكلمتها بتحب ياسمين بنتها عشان جميلة زيها و بتكره احمد و دايما تدعى عليه بس بيصعب عليها احيانا هي امة برضو و مبتهتمش باولادها اوي ).

يوسف(ابو احمد شخصية مهمة

طوله :177 وزنه :84 سنو: 49

شكله : شكله وسيم شوية عينه لونها اخضر اقرع من نص شعرو بس الجناب موجودة شكلو عادي بس وسيم شوية.

جسمه : تخين و عندو كرش بس طولو مش مخليه تخين اوي.

القدرة:بينفخ هوا بارد قدرتو مش قوية بينفخ هوا زي تكيف بس ميقدرش يجمد حاجة غير قابلة للتطوير.

نبذة عنه : راجل كبير بيمر بازمة منتصف العمر

دي كانت الشخصيات الاساسية اقرأوها كويس

شرح للعالم بتاعنا بقى: العالم ده اتغير من اكتر من 100 سنة لما نيزك هبط ع الارض و انفجر و ادي الناس ساعتها قدرات بس لما اتجوزو و خلفو لقو اطفالهم عندهم قدرات و استمر الموضوع فيه ابطال و فيه اشرار و كل الناس عندهم قوة خارقة بس الفرق زي مقولت التطوير بتاع القوة ممكن بيبقى اتنين عندهم نفس القدرة بس واحد قتالية و التانى مبتعملش حاجة العالم ده بيعتمد على حاجة اساسية اسمها الاحصائيات كلو شخص عندو احصائيات بتظهرلك لما تبص عليه و تبقى عايز تشوفها و مينفعش يخفيها الاحصائيات بتبقى كالأتى:

الرشاقة: الذكاء: القوة: القدرة:

و الناس بيتصنفو زي مستويات ليهم اعلى مستوي وصلو حد كان شخص بيسموه البطل الاعظم لقوتو الى وصلها كان مستواه 200

و فيه العالم ده برضو حاجات اسمها زنزانة

الزنزانة: هي زي بوابة بتفتح ف اماكن معينة بيخش*ها الابطال بيبقى جواها وحوش لازم عشان تقفل البوابة و الوحوش متخرجش تقتل زعيم البوابة و دول بيبقو اقوى من الوحوش بكتيير.

في حاجات اسمها شركات عند الناس

الشركات دي مهمتها انها تعرف مكان البوابة و تبعت ابطال يقفلوها و متقسمين لشركات كتير بينافسو بعض وبيبقى فيه حاجة اسمها تصنيف فيه الشركة زي رتبة و هما

اعلى حاجة S

اقل منها A

اقل B

اقل C

اقل حاجة D.

و الزنازين ليهم نفس التصنيف.

ده اهم حاجات لازم تعرفوها عن العالم الجديد بتاعنا

نبدأ القصة.

التغيير.

بتدخل الشمس من الشباك على اوضة عادية فيها سرير و كمبيوتر و كتب على تربيزة و شخص نايم على سرير و فجاة الباب بيفتح

ياسمين:اشمعنا انا الى لازم اصحيه ميتحرق و يبعد عننا

منار:بتبرطمى تقولى ايه يبت انتي؟

ياسمين: مبقلش حاجة

ياسمين وقفت جمب سرير احمد بتبص عليه و هي بتدعى عليه و بتبص بق*ف على شكلو و انو ازاي كده و بكره و راحت بكل قوتها و ض*بت احمد بالقلم على وشو وقع احمد من على السرير و قام مخضوض

احمد:في ايه؟انا عملت ايه؟!

و كان احمد خايف جداا لانو قام مخضوض و عينو نزلت دموع

ياسمين بتبص على احمد بكل ق*ف و هي من جواها بتضحك عليه و على شكلو و قالت: يلا قوم بتقولك ماما عشان هنروح المدرسة النهاردة اخر يوم و انجز اشمعنا انا الى لازم اصحيك يأخى ياريت تموت و خرجت و رزعت باب الاوضة

احمد حط راسه بين ايدو و عيط شوية و بعدين قام دخل الحمام بص فى المراية بحزن و قال:انا ليه كده و راح مدمع

و بعين مسح وشو و خد دش و خرج لبس و راح على السوفرة

لقى ياسمين لابسة و قاعدة بتفطر و امو قاعدة برضو بجلابية عادية و ابوه مش موجود راح قاعد الاتنين بصولو بقرف

وقالو: انت بتعمل ايه؟

احمد: هفطر عشان اروح المدرسة و هو بابا فين؟

ياسمين: انت فاكر نفسك هتقعد معانا على نفس الطربيزة و تاكل انزل كل ع الارض ولا روح اوضتك.

منار:اسمع الكلام وروح كل فى اوضتك ولو على ابوك فهو خرج من الصبح كالعادة هيقعد على القهوة ردت ببرود

احمد زعق:طب وليه ادخل اكل في اوضتى اشمعنا انا؟!

فجأة بدون مقدمات لقى قلم نازل على وشو جامد اوي من امو و قالتلو انت هتعلى صوتك انت فاكر نفسك راجل انت كلب و تشكر النعمة ان احنا سايبينك عايش معانا فاهم؟!

احمد زعل و كان هيعيط بس مسك نفسو و خد الطبق و دخل اوضتو و قعد ياكل و هو بيبص على الشمس و بعد مخلص لبس الكوتش و خد الشنطة و خرج لقى ياسمين مشيت و فيه خمسة جنيه على الطربيزة خدها و خرج نزل من العمارة لقى مدام مها الى ف الدور الى تحتهم

ملحوظة نسيت اقولها ( احمد و عيلته ساكنين فى عمارة فى الدور الخامس و العمارة ست ادوار و السطح )

مدام مها شخصية مهمة

طولها:150 وزنها:85 سنها:46

شكلها : ملامحها جميلة قمحاوية عينها واسعة و لون عينها اسود شفايفها تخينة شوية بس.

القدرة : التحكم فى الهوا بس بمقدار بسيط زي مروحة كده غير قابلة للتطوير.

نبذة عنها : ست بيت بتحب اولادها هوصفهم بعدين بتحب منار ام احمد اوي و بتسألها فى كل كبيرة و صغيرة و بتاخد برأيها في اي حاجة مبتكرهش احمد بس مبتحبوش بتقول لاولدها ملكوش دعوة بيه خالص بتحب ياسمين اويي و نفسها تتجوز ابنها.)

لقى احمد مدام مها واقفة

قالها: اهلا ياطنط مها

بصتلو بق*ف و راحت متحكمة في شوية هوا رمتو على السلم كان هيقع بس مسك ف السلم و كمل نزول .

ملحوظة ياجماعة هقولها(هتلاقو معظم الشخصيات بتكره احمد لان من ساعة لما النيزك انفجر و مفيش بنى ادم واحد اتولد من غير قوة احمد الاول و كمان شكلة مش مساعدو خالص) نزل احمد لقى ابوه قاعد على القهوة قدام البيت ندهلو عشان يسلم عليه من بعيد بصلو و تجاهلو زعل احمد بس كمل مشي وصل احمد للمدرسة و وقف فى الطبور وبعد التحية و التمارين الى هو كان بينهج فيها على اخرو و هو كان واقف فى الاخر و كانت العيال بتضحك عليه و بعدين طلع المدير على المنصة عشان يقول كلمة

المدير:اهلا بيكم طلابنا الاعزاء النهاردة زي منتو عارفين اخر يوم فى الدراسة و بعدين هتجولنا تانى بعد اربع شهور انا عايزكو تستغلو الاربع شهور دول اشتغلو اتوظفو فى شركة ابطال ساعدو الناس المهم تعملو الى يخليكم تساعدو الناس و نفسكم و شكرا.

و نزل المدير و المدرسة كلها بتصقف و بعدين طلعو للفصول دخل احمد الفصل و قعد مكانو الى هو فى الاخر جمب الشباك كانو مش موجود محدش بيلاحظ وجود و دخل المدرس و بدأ الدرس بس احمد مكنش مركز في دة كان مركز في مي.......

مي(مي شخصية مهمة فى القصة

طولها:173 وزنها:70 سنها: 20

شكلها:جميييلة جدااا اجمل بنت فى فصلهم شعرها بنى فاتح و نازل لحد بعد رقبتها بشوية عينيها متوسطة ولونهم رمادى وشكلهم جميل و مناخيرها واخدة انحناء لقدام مخليها احلى و شفايفها متوسطة.

قدرة:التعديل قدرة قوية بتخليك تلمس اي جماد و تعدل على شكلو بس هي لسا ضعيفة قابلة للتطور.

نبذة عنها: مي شكلها جميلة جدا عيلتها اغنياء من اغني العائلات و و البنات بيحبوها عشان اسلوبها حلو بس المشكلة فيها انها بتبص على المنظر ف بالنسبالها احمد ده كلب جمب الرصيف بتتق*ف منو)

فضل احمد باصص على مي

وبيقول لنفسو:مي جميلة كالعادة اتمنى لو تشوفنى بس ده مستحيل اكيد متعرفش اني موجود اصلا حتى كلو بيبصلها

وهو سرحان المدرس نده عليه

المدرس:احمد....احمد!!!

احمد:ايوا...ايوا يامستر

المدرس:جاوبلى على السؤال

احمد: ايه السؤال يامستر

المدرس راح مزعق: ماطبعا عشان حضرتك قاعد سرحان و مش مركز معايا

الفصل كلة فضل يضحك

احمد اتحرج:اسف يامستر هركز

المدرس:ازاي نحسب قدرة الشخص؟

احمد:معرفش يامستر

المدرس:متعرفش ازاي هو انا مش شرحتها امبارح ولا انت غبى و مش فاهم اي حاجة ؟

احمد وكان هيدمع: اسف يامستر هذاكر المرة الجاية

المدرس:اتفضل اقعد و افتح مخك جاوبى انتى يا مي

مي:بنعرف القدرة يامستر عن طريق الشركات بيبقى فيه بلورة بنحط ايدنا عليها بتقولك مقدرا قوتك و بتعرف تصنيفك

احمد قعد و هو زعلان شوية و بعدين خلصو الفصول و جه وقت المروح احمد نازل على السلم و هو نازل مسكوه كام عيل من الى هما المتنمرين و خدوه ورا المدرسة و فضلو يض*بو فيه ويقولو هنقعد اربع شهور من غير ما نض*بك و احمد كان بيتض*ب ض*ب جامد اوي وبيجيب دم من كل حته

وفضلو يض*بو فيه جامد و يقولو ليه انت اتولدت عشان تتض*ب و ماتفتحش بقك ، بعد شوية

ضحكو كلهم و سابوه و مشيو فضل احمد نايم فى الارض وسط الدم بتاعو و بقة و مناخيرة بيجيبو دم وهو بيعيط بس من غير صوت اتعدل احمد و قرر انة مش هيفضل كده لازم يبقى اقوي منهم هيبقى افضل بطل فى العالم .

و قام و هو مش قادر يمشى و روح لقى ابوه و امة و ياسمين قاعدين بيتف*جو على التيلفزيون شافوه و هو غرقان فى دمو و مش قادر يمشى بس محدش فيهم اتحرك من مكانة ولا حتي كلمة دخل اوضتة خد دش و خرج فتح الكمبيوتر ودور على تذاكر طيران لجزر منعزلة من غير تأشيرة لمدة اربع شهور و لقى جزيرة اسمها جزيرة القمر فى المحيط سعر التذكرة كان 3000ج بص احمد فى تحويشة عمرو لقى 3100ج اشترى التذكرة و كانت الطيارة تانى يوم المغرب

احمد لنفسة : انا مش هفضل كده اختي بتكرهنى امي و ابويا حتى جارتنا بتكرهنى انا مليش مكان مش هفضل كده هبقى احسن و هوريكو كلكو هبقى احسن حتى لو هموت بحاول

وراح احمد فى النوم صحى تانى يوم الساعة 4 العصر

خد دش حضر شنطتة و خرج لقاهم في الصالة قرر يقولهم كأنهم هيهتمو

احمد:ماما بابا انا هسافر اربع شهور دولة تانية

ابوه:وجبت الفلوس منين؟

احمد:تحويشة عمرى كلها

امه:غور و طول عن اربع شهور مش عايزة اشوفك

ابوه بضحك:يمكن الطيارة تتقلب عشان انت جواها

ياسمين بفرح:اخيرا هتبعد عننا و مش هنشوفك تانى

احمد:هما اربع شهور و هرجع

ياسمين:لا منا هفضل ادعي عليك لحد ماتموت و متجيش

و هما بيتكلمو اتفتح باب الشقة و دخل محمد........

محمد(محمد بيبقى ابن خالة احمد شخصية مهمة

طوله:178 وزنه:76 سنه:17

شكله:وسييم جداا ابيضانى عينة لونها اخضر و شعرة اسود و عاملة بقصة حلوة.

جسمة:متقسم من التمرينات عضلات قوية و ظاهرة و ده مزودو وسامة.

قوة:اضافة العضلات قوة بتخليه يزود العضلات فى حته معينة من جسمة بس لسا ضعيفة ميقدرش يزود عضلات كتير قابلة للتطوير.

نبذة عنة :محمد شخص مشهور فى المدرسة محبوب زي ياسمين البنات بتجرى وراه عشان شكلة و جسمة و قوتة قوية يقدر ينضم لاي شركة من الكبار و هيموت و يرتبط ب ياسمين و ياسمين معجبة بيه و بقوتة .)

دخل محمد الشقة كلهم قامو يسلمو عليه

محمد :ازيك يعمو يوسف و ازايك ياخالتى

و ازايك ياسمين عاملة ايه؟ وحشانى

منار:تسلملى ياحبيب خالتو مابتجيش ليه و ماما معاك ولا لا؟

محمد:لا ياخالتو مقدرتش تيجي

يوسف:ازيك ياواد يامحمد كبرت و طلعلك عضلات ياض و هتض*بنا شكلك ضحك جامد

محمد ابتسم بضحك:لا ياعمي انا مجيش حاجة جمبك انت اقوى مني بكتير

ضحك يوسف على كلام محمد و حس انو لسا شاب

ياسمين بخجل شوية:ازيك يمحمد؟

محمد:ازيك يا ياسمين وحشانى جدا انتى غيرتى رقمك؟

ياسمين:لا مغيرتوش خدو تانى

ادتلو ياسمين الرقم

محمد:خدتي انتى الاجازة و انا كمان ايه رأيك نخرج سوا

ياسمين:ماشى انا موافقة ابقى كلمنى

محمد:بس انتي بقيتي احلى بكتير و غمزلها

ياسمين ب**وف:انت اللى عينك حلوة

فضلو يتكلمو شوية

احمد:اول لما دخل هو كلهم نسيونى ده انا بقلهم هسافر دولة تانية و محدش مهتم و كان هيعيط بس مسك نفسة

محمد راح ض*ب احمد بالقلم و قالو: ازيك ياحيوان ههههه

احمد مسك نفسة من العياط: وراح قايل كويس

كلهم ضحكو

محمد قال:ايه رايح فين بالشنطة دي هتنتحر و تخلصنا منك ههههههه

احمد مااتكلمش و راح واخد نفسة و خرج من الشقة و نزل على الشارع وطلع على المطار و هو بيفكر

احمد:لازم ابقى اقوي هوريهم كلهم ازاي يعملو فيا كده وراح معيط

ركب احمد الطيارة و بعد 12ساعة وصل الجزيرة لاقاها جزيرة عادية فيها ناس بساط و قليلين

وقف احمد على الارض

وقال:حتي لو هموت مش هوقف هبقى اقوي و اوريهم كلهم هبقى اقوووووووووووي.

######

دي كانت الحلقة الاولي هي لسة مش واضحة المعالم لكن الرواية هتكون فانتازيا رومانسية ومناسبة للي سنهم صغير يعني تقدرو تستوعبوها وتحكوها ل اطفالكم هتبقا مناسبة جدا هي من الاساس كانت مكتوبة بهدف انها للاطفال لكن طورتها وكبرتها وخلتها فانتازيا رومانسية