Mabuti na lang talaga at pansamantala lang ang pananatili ko sa resort ng mga Valderrama. Hindi ko yata kakayaning manatili rito sa loob ng tatlong buwan lalo na pagkatapos ng nangyari sa pagitan namin ni TJ.
Akala ko pa naman ay naging magkaibigan na kami dahil nagkantahan pa kami sa kanyang kotse habang nasa byahe. ‘Yon pala’y wala lang ito para sa kanya.
Bumalik ako sa front desk para sa maleta ko at nakitang hawak pa rin pala ito ni Piolo. Laglag ang panga niya kagaya ng ibang empleyadong nakakita sa nangyari. Sinilip ko naman si TJ at nakitang nagpatuloy lang ito papasok ng elevator na parang walang nangyari.
Napairap na lang ako sa kawalan. Talagang tinanggap lang niya pabalik ‘yong pera niya. Mano man lang binigyan niya ako kahit five hundred.
Maya-maya’y nag-slow clap ang m
