HINDI INAASAHAN ni Alani na dadalawin siya ni Becca sa munisipyo ng kanyang pinagtatrabahuhan. Tanghali ito dumalaw kaya niyaya n’ya na lang itong lumabas ng munisipyo upang sa labas na lamang sila mag usap. Napansin niya kaagad ang lungkot sa mukha ng kaibiga pagkatapos niya itong yakapin.
“Bakit hindi ka tumawag na pupunta ka? Sana tinawagan mo ako para sa labas na lamang tayo nagkita o di kaya ay sa bahay ninyo na lang tayo magkita?” wika niya. Nasa isang fastfood restaurant na sila.
"Pinapunta ako dito ni Hunter. Gusto niyang malaman kung saan ka nakatira," wika ni Becca sa kanya kaya natigilan siya.
"Sabihin mo sa kanya na nakalimutan niya na ako. Hindi niya na ako dapat na hinahanap pa.”
"Alam mo naman na mahal na mahal ka ni Hunter. Lahat ay gagawin n’ya para sa'yo. Hindi niya k
