"Long time no see..." ani ng matandang lalaki. Kagalang-galang ang damit, panot, malaki ang tuyan at bansot. Yung naging biktima niya sa hotel. "Ang tagal kitang hinahanap at pinamanmanan. Sa wakas nagkita tayo uli."
Lima ang kasama nitong mga alalay na pare-pareho ang laki at hilatsa ng mukha. Wala siyang kalaban-laban kahit isa lang sa mga ito kaya hindi na siya nagtangkang manlaban pa. Napansin niya rin kasi ang mga baril na nakasiksik sa tagiliran ng mga ito.
Ngumiti siya sa matanda. "Na-miss mo ako?" nakakalokong tanong niya.
Natawa naman ito ng malakas. "Yan! Ganyan ang gusto ko sa babae, palaban!" anito. Tumango-tango at tila tuwang-tuwa. "Dalhin niyo yan!" utos nito at nauna pang tumalikod.
Kinaladkad naman siya ng mga tauhan nito palabas ng eskinita. Nakita niya pang nakatingi
