"Ngiting- ngiti, ha! Anong mayroon?" nakangising tanong ni Jonah nang puntahan si Cara sa puwesto nito sa mall.
"Kaaalis lang ni Clyde. Dumalaw dito. Kaya ito, nakangiti ako ng wagas," aniya sabay hagikhik.
"Piste ka! Kaya naman pala. Kilig na naman ang t inggil mo. Teka nga, kailan ka pa naging ganiyan? Parang hindi na yata ikaw ang Cara na nakilala ko?"
Hinila ni Cara ang kaibigang si Jonah at naupo sila sa bakanteng table. "Hindi ko rin alam. Kahit ako nagtataka sa sarili ko. Parang nagiging maharot ako. Bakit kaya? Ganito ba talaga ang epekto sa akin ni Clyde?"
Natawa si Jonah. Natatawa siya sa kaibigan niyang si Cara. Parang noong nakaraang buwan lang kasi... sa tuwing nakikita niya ito ay palagi lang itong lumuluha. Para nga itong araw- araw tino- torture. Ganoon ang itsura ni Ca
