"Justine... ano ba ang nangyayari sa iyo? Nagsara na naman ang isa mo pang negosyo. Ilan na lang ba ang natira? Isa? Dalawa? Bakit ka ba nagkakaganyan?! Hindi ba't alam mo naman kung paano mo pinapaikot ang pera? Sa dami ng pera mo, bakit parang naglahong bigla? Naglahong parang bula!" bulalas ni Steven.
Pinuntahan siya ni Justine para maglabas ng sama ng loob at samahan siyang uminom. Nilaklak ni Justine ang alak sa kaniyang baso bago nagsalita.
"Hindi ko rin alam kung ano na ang nangyayari sa akin. Pero ang mahalaga, masaya naman si Karen. Napapasaya ko siya..." mapait na wika ni Justine.
Natawa naman si Steven. "Ano? Tanginang iyan! Inubos na ng babaeng iyon ang pera mo! Hindi mo ba nakikita ang pakay niya sa iyo? Noon ko pa sinasabi sa iyo na may lihim na agenda sa iyo ang babaeng
