Biglang na- curious si Karen sa lalaking ipinagmamalaki ni Cara. Sa isip niya, hindi naman nito ipagmamalaki ang lalaki niya kung hindi ito mas higit kay Justine.
"Ibig sabihin, parehas na pala kayong mag- asawang may kabit," aniya na ikinataas ng kilay ni Cara.
"Oo bakit? Masama ba kung pati ako mayroon na ring iba? Bakit? Kapag lalaki ayos lang na may iba? Pero kapag babae, isyu? Big deal?"
Agad na umiling si Karen. Bigla siyang nailang kay Cara. Dama niya ang kakaibang awra nito. Ang matapang nitong awra. Ang ekspresyon ng mukha nito na para bang hindi na madadarag ng kung sino. Hindi katulad noong makita niya ito. Ibang - iba ang Cara na kaharap niya ngayon. Naging matapang. Naging palaban.
"Hindi naman sa ganoon. Nangangamba lang ako sa sasabihin sa iyo ng mga tao kapag nalaman n
