"Kumusta ang business mo? Dumadami ba lalo customer mo?"
Halos hindi na maalis ang titig ni Clyde kay Cara na para bang wala siyang balak kumurap. Ang magandang mukha ni Cara ang siyang sumasagi sa isipan ni Clyde lalo na kapag siya ay nag- iisa. Wala itong pinipiling oras. Bigla - bigla na lamang niyang naiisip si Cara sa hindi malamang dahil. Pakiramdam nga ni Clyde, hindi na niya kilala pa ang kaniyang sarili. Sa tagal ng panahon niyang single, ni minsan walang babaeng sumakop ng kaniyang isipan. Wala siyang babaeng binigyang pansin.
Kaya nagtataka siya kung bakit ginagawa niya iyon kay Cara.
"Oo! Minsan nga mahaba pila tapos mga nakabusangot na sila kasi ang bagal kong kumilos," wika ni Cara bago natawa nang maalala ang pagkakamali niya.
"Ayos lang iyan. Gano'n talaga sa una. Ang m
