ABOT-TAINGA ang ngiti ni Kyden habang nakatingin sa sarili niyang repleksyon sa harapan ng ’di kalakihang salamin. Maaga siyang nagising at nag-ayos ng kanyang sarili. Araw ng Sabado at napag-usapan nilang dalawa ni Arya na ituloy ang pinaplano nilang pamamasyal. Wala rin naman silang masyadong gagawin kaya susulitin na nila ang araw na ito para makapagliwaliw.
Mula sa ibabaw ng side table ay kinuha ni Kyden ang kanyang pitaka. Napabuga siya ng malalim na paghinga bago sinilip ang laman nito. Sa tingin niya ay sapat na ang perang ibinigay ng kanyang kapatid para sa magiging date nilang dalawa ni Arya.
“Sa dami ng mga naging babae ko, kay Arya pa talaga ako mapapatipid. Kainis! Kung bakit ba kasi kinuha ni Dad ang lahat ng cards ko. Gusto ko pa naman sanang maging memorable ang araw na
