BUONG maghapon ay nakipagkuwentuhan lang si Amaiah sa tiyahin ni Brant na si Auntie Carly. Nakakatandang kapatid pala ito ng ina ni Brant. Marami siyang nalaman tungkol dito at kay Brant. Mula nang mamatay ang ina ni Brant ay ito na raw ang tumatayong ina ng binata. Hindi na muna raw ito nag-asawa dahil gusto muna nitong siguraduhin na maayos si Brant.
Nagtatrabaho rin ito as head janitress ng Paterson's Winery doon sa Cebu. Nag-leave lang ito ng isang linggo dahil gusto nitong makasama ang pamangkin bago ito pupunta sa States kasama ang fiancé nitong Amerikano. Minsan lang kasi ang mga itong magkita at tuwing death anniversary lang ng ina ni Brant.
Nasabi rin niya rito na buntis siya pero hindi ang pamangkin nito ang ama at nagpakasal lang sila dahil kinakailangan nila ni Brant ang is
