"Naku, Yolly, sayang at hindi mo naabutan si Sir Rusca!"
"Pumunta siya rito kanina!"
"Ang pogi!"
Hindi magkamayaw sa pagkukwento sa'kin ang mga kasamahan kong mga babae sa kusina pagkapasok ko kinabukasan.
"Kahit nahihirapan tayo sa kaartehan niya sa pagkain ay worth it naman!" parang kiti-kiting pahayag ni Ate Luz.
Isa ito sa mga close ko na rito sa kusina. Magkaibigan sila ni Ate Ving kaya una na siyang naipakilala sa'kin.
"Nakita ko na iyan si Sir Rusca no'ng una araw pa lang nila rito," pagyayabang ko sa kanila.
"Ang gwapo 'no? At ang bango-bango!" kinikilig na bulalas ni Ate Luz na sinang-ayunan agad no'ng iba.
Iyong mga lalaki naming kasamahan ay naiiling na lang sa ingay namin habang pinag-uusapan ang taong no'ng nakaraan lang ay parang isumpa na no'ng ilan sa'min dahil sa k
