RACHEL
Nang matapos ang lunch ay sabay kaming naglakad ni Dylan papunta sa library. Samantalang si Karina naman ay pumunta sa locker niya. Hindi na siya nagpasama pa kasi baka daw magmukha siyang chaperon sa aming dalawa ni Dylan. Natawa na lang ako sa biro ni Karina. Paano naman siya magiging chaperon eh baka kako kapag kasama ko sila ni Dylan eh ako ang magmukhang alalay.
Hay! Iba talaga ang mga famous. Minsan blessing na rin ang pagiging nobody sa isang paaralan na gaya nito. At namiss ko 'yong pagiging nobody ko. Kasi simula nang makilala ko si Dylan, lalo na nang dalhin niya ako sa party ay hindi na naging normal ang bawat araw ko.
Eh, buti na lang kung tinitilian ako pag kapasok ko sa gate ng Eislerville Academy gaya ng ginagawa nila sa mga sikat sa school na ito, pero hindi eh.
