ARABELLA
NAGISING ako na wala sa labas si Sir Luigi. Nabasa ko na lang ang note na iniwan niya sa sala. Pupunta raw muna siya sa poso para mag-igib. Mauna na raw akong kumain at huwag ko na siyang hintayin kasi baka matagalan siya. May sira daw ang poso at susubukan niyang ayusin.
Medyo kumakalam na nga ang sikmura ko kaya dumiretso na ako sa sala pagkabasa ko ng note ni Sir Luigi. Pero napaurong ako bigla nang makita ko si Gabriel na nagluluto. Nilagang itlog talaga ang hinahanap ko tuwing umaga kaya iyon ang madalas na lutuin ni Sir Luigi at ni Lola Iska.
Ngunit nang maamoy ko ang sinabawang isda na niluluto ng aking asawa, bigla na lang nagbago ang panlasa ko. Sunod-sunod akong napalunok ng laway na para bang takam na takam sa amoy pa lang. Gusto kong lapitan si Gabriel na nakataliko
