ARABELLA
PAGKATAPOS naming kumain ng almusal ay niyaya ko si Gov. Gabriel na maglakad-lakad muna sa dalampasigan habang maaga pa. Iyon din ang inutos nina Lolo Magno at Lola Iska habang naghahanda sila ng lunch namin. Nag-insist ako na tulungan sila pero iginiit din ng dalawang matanda na mamasyal na lang daw kami at sulitin ang aming bakasyon.
“Tara na habang hindi pa masakit sa balat ang init,” yakag ko sa kaniya at nagpatiuna na sa paglalakad papunta sa tabing-dagat. Hindi naman iyon gano’n kalayo mula sa kubo nina Lolo Magno at Lola Iska. May dala akong payong na ipinahiram sa akin ni Lola. In case lang daw na abutin kami ng init pagbalik namin.
Ngingiti-ngiti naman na sumunod sa akin si Gov. Inagaw niya sa kamay ko ang payong at saka ako pinayungan nang maabutan niya ako. “Gaano ka
