ARABELLA
HINDI ako mapakali habang hinihintay na magising si Gov. Gabriel. Hindi ko alam kung gaano na siya katagal nakahiga sa ospital bed na katabi ko at kung gaano na rin ako katagal na nag-aalala sa kaniya.
Nang mawala siya kanina sa dagat pagkatapos niyang tumalon, natagpuan siya sa dalampasigan na ng dalawang mangingisda na tumulong sa akin sa paghahanap. Malayo iyon kaya pala hindi ko siya nakita. Doon pala siya tinangay ng mga alon.
Pero ang masaklap, wala na siyang malay at may sugat na siya sa ulo. Tama nga ang hinala ng mangingisda na tumama sa bato ang ulo ni Gov. Gabriel nang tumalon siya. Agad namin siyang isinugod dito sa ospital. Nasuri naman agad siya ng mga doctor at natahi ang sugat sa ulo niya. Ngunit hanggang ngayon na gabi na ay hindi pa rin siya nagigising.
Hind
