ARABELLA
TAPOS nang magsalo-salo ang lahat. Sa sala na namin itinuloy ang celebration para sa nalalapit na kasal nina Tita Ylona at Gabriel. Parang pamamanhikan na rin daw iyon. At sa lahat ng narito ngayong gabi ay ako lang ang hindi masaya. Kahit ang sumabay o makipagplastikan sa kanila ay hindi ko magawa.
Sobrang sama ng loob ko.
Kaya pala nandito si Gabriel ay para sa mas pinaagang kasal nila ng tiyahin ko, at hindi para dalawin ako dahil nami-miss niya ako. I know na wala akong karapatan para makaramdam ng ganito. Pero para saan pa at ako ang una niyang pinuntahan kanina kaysa sa fiancée niya.
“Saan nga pala kayo ikakasal, hija?” narinig ko na tanong ng pinsan ni Daddy na si Tita Esme. Tulad nila, miyembro din siya ng sindikato.
“Saan pa? Eh, ‘di dito sa Bacolod. Gano’n naman d
