Tahimik lang kaming kumakain ng almusal. Walang gustong magsimula ng usapan. Hindi ko alam kung isnabero lang ba ang mga tao dito o hindi pa sila nagtu-toothbrush. Bacon, fried eggs at fried rice ang almusal namin. Nag-serve pa si Manang freshly squeezed orange juice.
Hindi ko maiwasang tumingin sa katapat ko. Maputi ang lalaki at mapungay ang mga mata. Makapal ang kanyang kilay at matangos ang ilong, at manipis ang mamula-mula niyang labi. Kung titignang mabuti, para siyang model sa mga magazine. 'Yong tipong brand endorser ng mga damit. Maganda rin ang hubog ng katawan niya, bagay na bagay sa suot niyang sando na kulay itim.
Napayuko ako nang makitang nakatingin siya sa 'kin habang nakangiti.
"Kamusta ang pang-apat na araw mo dito?" tanong ni Butler sa 'kin.
Napalingon ako sa kanya n
