Iba’t-ibang reaksyon ang mga naririnig ko nang hilahin ni Apollo paalis si Shaicy. Hindi ko inaasahan na gano’n ang mangyayari. Para akong sinampal nang harap-harapan na ang atensyon ni Apollo ay na kay Shaicy na muli. So ano na pala ang role ko ngayon dito? Echapwera na ba ako dahil dumating na ang babaeng mahal niya? Tila ba nakalimutan ko na ang sinabi niya sa akin noong nakaraan na hindi niya raw hahayaan si Shaicy na maagaw siya mula sa akin. Ngunit sino nga ba ang niloloko ko? Hindi naman sa akin si Apollo. Hindi totoo ang relasyon na mayroon kami ngayon. Kaya baka sinabi lang niya ‘yon para mapanatag ang loob ko. Pero wala akong ibang choice, dahil ito naman ang pinili ko. Desisyon ko na mangyari ito. Kailangan ko na lang tanggapin. Pumayag ako sa set-up namin ni Apollo na walang ka
