“Sigurado ka ba na hindi na aaksyunan ni Mr. Apollo ang kapatid mo? Baka mas lalo pang malala ang gawin niya sa susunod kapag hindi pa siya napaalis sa C.U.”
Mas lumalim ang iniisip ko dahil sa sinabi ni Tiffany. “Hayaan na muna si Via. Tatlong araw na rin naman noong nakausap ko siya. ‘Yon na rin ang huling araw na may ginawa siya sa akin. Tahimik na siya ngayon sa C.U. Siguro ay natakot din siya na baka mawala siya roon at mawala rin ang pangarap niya. Kahit papaano ay iniisip ko pa rin na sana ay magkaroon siya ng magandang buhay sa oras na makapagtapos na siya ng pag-aaral sa C.U. Magandang oportunidad din kasi para sa kaniya na makapag-aral doon,” sagot ko naman.
Kahit papaano ay inaalala ko pa rin ang magiging kinabukasan ni Via. Ako pa rin ang nakakatanda niyang kapatid. Hindi k
