“Hala! May fireworks!” Natuwa naman ako nang makita na magputukan ang mga fireworks. Mabilis naman ako na nag-video. Nagulat naman ako nang matigil ang ferris wheel at saktong nasa pinakatuktok kami. Kumunot ang noo ko at napatingin pa sa baba.
“Oh my gosh! Nasira ba ang ferris wheel? Na-stuck na yata tayo rito sa tuktok,” reaksyon ko pa. Malamang ay narinig sa video ko ngayon ang aking sinabi. Nagulat kasi ako dahil biglang tumigil sa tuktok ang ferris wheel. Sobrang taas pa naman ng kinaroroonan namin ngayon! Sobrang taas kaya ayokong tumingin sa baba dahil malulula lang ako. O baka naman nagpapababa na ng mga sakay ngayon isa-isa sa ferris wheel kaya sakto rin na nasa tuktok kami ngayon. Pero ayos lang sa akin dahil mas nakikita ko ng ayos ang magandang view ng fireworks. Para bang ab
