Dahil hindi ko na napigilan ang aking emosyon ay kung ano-ano na ring mga salita ang nasabi ko sa kaniya. Nanahimik naman siya nang marinig ang huling sinabi ko. Pero wala akong balak na humingi ng pasensya sa kaniya. Mahirap lang ako, oo. Alam ko rin na wala akong maipagyayabang ngayon. Pero ano ang magagawa ko? Kailangan ko pa ring ilaban ang karapatan na mayroon ako. Hindi tama ang mga sinasabi at ginagawa niya sa akin. Kaya mas mabuti pang tapusin na lang ang kontrata na nasimulan namin, kaysa ako pa lalo ang magiging kawawa kapag nagtagal. Mabuti nga ito at hindi pa naman gaanong tumatagal ang uganayan na mayroon sa aming dalawa.
“Pakihanda mo na lang kay Miss Tiffany ang termination ng kontrata natin. Handa akong ibalik sa ‘yo ang lahat ng mga nagastos mo sa akin. Hindi pa naman ma
