"Shaicy?"
Pakiramdam ko ay hindi na bago sa akin na matawag sa pangalan na 'yon. Para bang lahat na lang ng makakasalamuha ko ay tatawagin ako gamit ang pangalan na 'yon. Walang gana naman ako na tumingin sa lalaki na nabunggo ko. Actually, siya naman ang nakabunggo sa akin dahil sa kakamadali niya. Sino naman kaya ang isang ito? Hindi ko siya nakilala kanina noong kumakausap kami ng mga bisita, kaya hindi siya pamilyar sa akin. Hindi ko natatandaan ang ibang mga pangalan ng mga kamag-anak ni Apollo, pero tanda ko ang kanilang mga itsura.
"Zeus, why are you so late? You know that this is an important event," sambit agad ng ama ni Apollo. Kung ang lalaking kaharap ko ngayon ay si Zeus, ibig sabihin ay siya ang kapatid ni Apollo! Agad naman akong yumuko ng bahagya sa harapan niya upang ma
