LYKA
TOTOONG nag-enjoy ako sa swimming namin ng mga kaibigan ko kahit wala si Uncle Verex. Bukod kasi sa paliligo, nagkaroon din kami ng games. Katulad ng paligsahan sa paglangoy, patagalan sa ilalim ng tubig, at marami pang iba. Palibhasa karamihan sa amin ay magagaling lumangoy kaya puro sa tubig ang naging laro namin.
At sa loob ng mga oras na inilagi namin sa dagat ay never na akong hiniwalayan ni Fritz. Wala naman siyang sinasabi na nililigawan niya ako uli kaya hindi ko siya mabasted nang direkta katulad nang ginawa ko noon. Basta nasa tabi ko lang siya. Nakaalalay kapag kailangan ko siya. Tulad ng pagkuha ng tubig sa cottage sa tuwing nauuhaw ako.
“Where you going?” tanong sa akin ni Fritz nang makita niya ako na umahon sa tubig. Busy ang mga kaibigan ko sa pakikipaglaro ng pasah
