The Dark Psycho Angel(TAGALOG)

Angel "Angel! Where the hell do you think you're going?!" "M-Magre-resign na po ako sa trabaho ko....Sir." Nakahinga ako ng maluwag nang maayos kong mabigkas ang huling salita. "Huh!" sarkastiko siyang natawa sa aking sinabi. "Bullshit. Argh!!!" "N-Nick!" Nagulat ako nang bigla niyang pagsusuntukin ang pader sa kanyang tabi! Gigil na gigil at tila gusto niya itong wasakin gamit ang kanyang mga kamao! "That's it! Lumabas din ang totoo! You're going to break up with me because of that f*****g asshole!" "N-Nick, h-hindi gano'n." "Huh! It's true, isn't it? All you want from me is MONEY! Wala kang ipinagkaiba kay Estella. That's why I can't trust you fully. How much, ha? Babayaran ko ang lahat ng pagsagip na ginawa mo sa akin! Million?! Billion?! Damn it! Tell me!" Malakas na dumapo ang aking palad sa kanyang pisngi. Ngunit pakiramdam ko ay ako ang sinampal niya ng paulit-ulit. Biglang nagmanhid ang aking pakiramdam dahil sa kanyang mga masasakit na sinabi. Ito lang pala ang mararanasan ko sa kaniya. Ito lang pala ang igaganti niya sa akin. Ginawa niya akong kasintahan ngunit itinatago niya ako sa lahat. Isang maid niya lang ako, 'yan ang pakilala niya sa kanyang pamilya. Paano pa kapag natuklasan niya ang buo kong pagkatao? Paano pa kapag nalaman niyang kulang na ilang parte sa aking katawan. Mas lalo niya akong ikahihiya at itatago. Pakiramdam ko ay pinipilit niya lang ang sarili niya sa akin dahil sa maraming beses kong pagsagip sa buhay niya noon. Hindi niya ako kayang mahalin katulad ng walang hanggang pagmamahal ko para sa kanya.