#قلوب_لا_تعرف_الرحمه

#قلوب_لا_تعرف_الرحمه #فريده _احمد_فريد الحلقه الاولى............. لكل حكايه أصل وكل سطر بدايه لفصل ‏ والقسوه ف قلوب البشر ‏ منحوته زي الرسم ع الصخر ‏ والعشق بيتخلق من غير وقت ولا معاد ‏ ينبع من العند والانتقام والقسي والبعاد ‏ للحب شروق ف سما صافي مهما كرهوا العشاق بعض وكان بينهم الجو جافي لكن الحب دايما موجود....و ف سما العشق ماله حدود ...يملك القلب ويحتله بالخلود ‏ ويزرع ف قلوب العشاق بستان ورود البدايه........ التعارف ع ابطال الروايه ونبتدي مع بدر وقمر وشمس بنات عم محمد الراجل البسيط الغلبان مات وساب بناته قبل ما يكملوا علام بدر كانت الكبيره١٨ سنه قمر١٦سنه شمس اخر العنقود ١٥ سنه كانوا بنات متربيين ما يميزهمش لا المال ولا الجمال كانوا بنات بسيطه يشبهوا بعض اوي العيون عسلي الشعر ناعم طويل الطول معقول يناسبهم دي كانت مواصفتهم كانوا عايشين ف منطقه الجيزه حي شعبي بسيط لكن الناس فيه انواع منهم الطيب ومنهم الجدع وف كمان الصايع والبلطجي وقليل الأصل والجبان تبدأ حكايتنا ف بيت البنات بدر وقمر اتفقوا يخلوا اختهم تتعلم وتبقي احسن منهم كانوا شغالين ف گايرو مول عمال نضافه كانت هيه الشغلانه الوحيده اللي بتدخل لهم رزق يومي وكانوا عايشين مستورين والحمدلله النهارده اول يوم لشمس ف المدرسة الجديدة مدرسه الأورمان الثانويه الفندقيه بدر واقفه بتبص لشمس باعجاب لكن شمس مش عاجبها لبسها بدر قالت لها (طب وربنا زي القمر يا بنت اللذينا) شمس بصت لها بقرف وقالت (قمر قمر بالستر ياختي يعني يا بدر لبس المدرسه جيبه قصيره وقميص بنص كم انتي بقي تجبيلي الجيبه الطويله دي والقميص دا) بدر كشرت وقالت لها بجدية ( احنا هنستعبط بقي ولا إيه يا انسه عايزه تخلعي الحجاب وتمشي ف المنطقه الزفت دي بجيبه فوق الركبه ازاي بقي ياختي يا شمس احنا بنات عايشين لوحدنا ما ينفعش نلفت النظر لينا يا حبيبتي يلا ربنا يهد*كي الباص بتاعك زمانه جاي) شمس(حاضرررررر خلاص من اولها كده محأضرات وزفت ايه القرف ده) بدر بصت لها وحزنت اوي شمس من يومها وهيه مش عاجبها حالها كارهه انها اتولدت ف عيله فقيره عايشه الحياه ومتخيله أن الفارس ابو حصان ابيض هيجي ينتشلها من حياه الفقر الابديه اللي اتولدت وعاشت فيها شمس قابلت قمر ف الصاله بصت لها بزهق وخرجت من الشقه ورزعت الباب وراها بدر خرجت من اوضه شمس وهيه بتنفخ قمر قالت لها ( دي مالها ع الصبح قالبه خلقتها ف وشنا ليه كانت بتزعق ليه) بدر(سيبك منها وتعالي ننزل ع شغلنا لحسن نتأخر) قمر(يلا انا جاهزه اهوه) ************************** ف شقه فخمه ف فيصل شقه ع نظام فيلا بدورين صخر كان خارج من الحمام بينشف شعره البني الحرير بص بطرف عينه ع السرير كانت سمسمه نايمه عريانه حدف عليها الفوطه فتحت عيناها بصت له وابتسمت بصت ع جسمه الفارع الطويل صخر كان اسم ع مسمي شاب عنده٢٢ سنه جسمه منحوت من الصخر كانت عضلاته رياضيه بارزه كان لابس بنطلون ترنج بس و ص*ره عريان قامت سمسمه قعدت وهيه بتضحك له لكنه بصلها بتكبر وغرور وقالها بقرف ‏(انت هتفضلي نايمه كده كتير اخلصي قومي وغوري من هنا قبل ما جنه تصحي يلا الفلوس عندك ع المخده يلا بالسلامه) ‏ ‏سمسمه كشرت وبصت ع هدومها ف الأرض صخر خرج من الاوضه وهوه بيلبس تيشرت راح ع اوضه جنه أخته الوحيدة ‏ ‏خبط ع اوضتها ودخل كانت لسه نايمه راح ع سريرها ورفع المخده وضربها ع شعرها،،،، جنه قامت مفزوعه بصت حواليها لقته واقف بيضحك عليها،،،،،رمت الغطا وقامت هجمت عليه فضل يضحك وهيه بتضرب فيه وتقوله (حد يصحي إنسان بالطريقه دي واللهي لاعملها فيك وربنا لاصحي ف يوم بدري واعملها فيك يا صخر) صخر شالها من وسطها ولف بيها خلاها تضحك غصب عنها ورماها ع السرير وقالها وهوه بيخرج من الاوضه (يلا يا قطتي المدرسه كلها واقفه ع رجل عشان القمر لسه نايم ... النهارده اول يوم هانبتديها دلع يلا قومي ) خرج وقفل الباب وراه ،،،،،،،جنه فضلت تضحك مسكت شعرها وافتكرت اول يوم ليها ف ابتدائي برضو هوه دخل صحاها بنفس الطريقة وشالها حطهاف البانيو وفتح عليها الدوش عشان ما كانتش عايزه تقوم من النوم جنه افتكرت كويس تفاصيل اليوم ده،،،،، هيه اتخضت وفضلت تشتم فيه يا صخر يا بارد واللهي لاخليك نايم وهرشك بالميه الساقعه يا رخمممممم جنه ضحكت لكنها كشرت فجأة لما افتكرت أن صخر دخل لها هوه وابوهم وامهم ،،،،،جنه اتضايقت وحست بغضب من نفسها عشان افتكرت ابوها وامها قامت من ع السرير وهيه متضايقه ومسحت دمعه نزلت من عينيها غصب عنها ودخلت الحمام بعصبيه **************************** ف سرايا الفرماوي ايمن كان بيجهز نفسه عشان يروح شغله ايمن هوه الإبن الكبير لياسر الفرماوي وعنده أخ وحيد أيسر .... ياسر الفرماوي سمي ولاده ع اسامي اخواته ايمن،،،،و أيسر عشان يكونوا أيده الاتنين ويكونوا ضهره وسنده ف الحياه هوه راجل ابتدي من الصفر وربنا كرمه وبقي صاحب سلسله محلات الفرماوي وعنده شركه ف اسكندريه وهوه دايما عايش هناك وسايب مسؤلية أيسر والشغل ف القاهره لأبنه أيمن دخل أيمن اوضه نوم أيسر لكنه مالقهوش فيها ضرب أيده بعنف ع الحيطه فهم أن أيسر ماجاش من امبارح زي عوايده أيمن كان هيتجنن من اخوه،،،،،، فعلاً لكل عيله فرع مايل وايسر هوه كان الفرع ده أيمن ياما كلمه عشان يبطل سهر وسرمحه ف الكبريهات ومع البنات الشمال لكن أيسر كان مدمن فساد كاره أنه طلع غني كان نفسه يعيش ف حي شعبي بسيط زي معظم صحابه فعلاً محدش بيعجبه حاله أيسر كان مصاحب شباب فقيره عشان يحس أنه زيهم كان عايز يشقا ويكافح ف الحياه ويوصل بمجهوده مش بفلوس أبوه كان شاب عنده١٨ سنه صحيح لكنه كان معقد نفسياً وعنده أسبابه اللي عقدته ف الحياه الثريه المرفهه فكان بيطلع كبته وعقدته ع اخوه الكبير اللي دايما عايز يعمل فيها أبوه وينصحه طول الوقت ع كل حاجه فكان بيوهمه أنه فاسد وبيقضي كل وقته مع البنات ف الكازينوهات والأماكن الرخيصه المشبوهة ايمن خرج وركب عربيته وهوه متضايق وده مش جديد عليه وصل للمول ودخل ركن عربيته ف مكانها الرجل كانت لسه خفيفه والناس لسه ما جاتش المول يعني موال كل يوم عمال النضافه منتشريين ف المول قبل ما الناس يبتدوا يجوا بدر كانت بتمسح ازاز السلم الكهربائي وقفت لما أيمن الفرماوي عدي من جمبها،،،،،حزنت لأنه حتي ما رماش عليها سلام ربنا بصت بحزن ع الفوطه الصغيره ف أيديها ورجعت كملت شغلها بكآبه ************************* شمس كانت واقفه شارده وسط البنات بتبص عليهم والحقد مالي قلبها ،،،، بتبص ع الزي الرسمي بتاعهم المكشوف كان نفسها تلبس زيهم عشان محدش يلاحظ الفرق المادي بينها وبينهم شافت مجموعه بنات بيبصوا عليها ويضحكوا لفت وشها بسرعه لكنها خبطت ف جنه ،،،،،،جنه بصت لها واعتذرت لكن شمس استغربت كانت جنه لابسه زيها جيب طويله وحجاب شمس ضحكت وقالت لها (انا اللي اسفه معلش اصلي اتحرجت لما البنات دول ضحكوا عليا) جنه(ضحكوا عليكي ودا ليه بقي أن شاء الله) شمس(يعني مش عارفه عشان اللبس دا طبعاً) جنه بصت لها وضحكت وقالت(وماله ياختي اللبس دا مش احسن ما نلبس زيهم ورجلنا تتكشف ع اللي يسوا وما يسواش) شمس(يعني انتي مش متضايقه انك مختلفه عنهم) جنه(يابنتي دي اجمل حاجه انك تبقي مختلفه وبعدين انا صخر اخويا بيخاف عليا اوي رغم أننا اغنيا لكنه ما بيخلنيش ألبس زي البنات اللي من طبقتنا ودي حاجه انا بحبها ف اخويا أنه بيخاف عليا) شمس ضحكت اوي حست ان البنت دي هيه البوابه اللي هتعبر منها خط الفقر الأزلي مدت أيدها وقالت لها (انا شمس محمد وانتي) جنه(انا جنه محمود انتي عجبتيني ممكن نبقي صحاب) شمس وسعت ضحكتها وقالت (اكيد يا بنتي يلا تعالي نشوف احنا فين فصولنا ،،،، اوكشن) ضحكت جنه من قلبها وحطت دراعها ف دراع شمس وراحوا ينضموا لباقي البنات ******************** ف حي السلام منطقة النهضة،،،،، ف بيت منصور عطا الله،،،،،،،منصور راجل حداد عنده ٣ أولاد زين و زيد تؤام عندهم ٢٠ سنه زينه عندها١٤ سنه منصور كان مدلع ولاده الرجاله وقاسي ع البنت ونتيجه دلعه الشابين طلعوا فاسدين زين الكبير حداد زي أبوه لكن شاب مغرور فاكر أن اللي خلقه مخلقش زيه عايش الدور ع الشباب قبل البنات زيد صايع عاطل عن العمل شغلته الوحيده النوم طول النهار والصياعه مع اللي زيه طول الليل والمشاكل دي لعبته المفضلة أما زينه ف المدرسه دايما بتحاول انها ما تبقاش شبه أخواتها وتضيع مستقبلها كانت بتحب التعليم ونفسها تطلع حاجه كبيره غير كل أفراد عيليتها ف ليله زي كل ليله زيد الشاب الصايع كان واقف مع شله شباب بس الصراحه مكنش عارف انهم بيبيعوا م**رات فجأة او زي العاده حصلت مشكله مع الشباب بسبب الم**رات المفروض بالنسبه لهم كل منطقه وليها التاجر بتاعها وزيد كان واقف مع شباب بيبيعوا ف منطقه مش بتاعتهم ودا كان سبب المشكله زيد طبعاً أستاذ ف الخناقات والمشاكل وسلاحه الأبيض كان دايما رفيقه ،،،،،دارت خناقه كبيره ،،،وكل اللي كان معاه سلاح خرجه وبدأ يجرح ف خصمه لكن زيد سلاحه طول ع شاب زيه وطعنه ف معدته فتح له معدته والمسكين مات ف ساعتها الشرطه والاسعاف ف ثواني ملوا المنطقه وقبضوا ع الكل لكن زيد اتشيع ف ثواني والكل اعترف عليه أن هوه القاتل يتبع ف الحلقه الثانيه