"Aalis ka? Bakit? Nasasaktan ka? Aalis ka? Paano ang asawa mo?" sunod-sunod pang pang-aasar nito.
"Ayaw ko ng away, James. Kaya pwede ba spare me!" sawata sa kaibigan.
Ngayon niya lang ito tinawag sa pangalan nito. Mula kasi ng maging magkaibigan sila nito noong college ay bro, pare at dude ang tawag rito.
Ngunit tila walang balak lubayan siya nito. Dinig na dinig pa rin niya ang boses nito. "Akalain mo iyon, ang pangit, nerd at tila walang buhay na Mia na pinagtatawanan lang natin noon, ngayon ay tila dadaigin pa ang mga artista. Nakakapanlaway, 'di ba?" tuya nito.
Nagpatuloy siya sa paglalakad ngunit nilakasan pa nito ang boses nito.
"Gusto ko sanang patusin pero ayaw ko ng tira-tira mo," sigaw na nito na nakapigtal sa kaniyang pagtitimpi. Mabilis sa alas kuwatrong bumalik sa kina
