Ngumisi muna ako sa babaeng kaharap ko. Pagkatapos ay tumingin din ako sa aking staff.
"Sige na, bumalik ka na sa pwesto mo. Ako na ang bahalang makipag-usap sa ating customer," anas ko sa staff ng aking hotel.
Marahan naman tumango ang babae at tudo-tudo ang pasasalamat sa akin. Sa pag-aakala na isa rin akong staff dito. Hanggang sa muli akong bumaling ng tingin sa babaeng akala mo'y reyna kung makaasta. At nababanaag ko sa mukha nito ang galit sa akin. Kung nakakamatay lamang ang titig nito ay tiyak na bumagsak na ako rito sa malamig na tiles.
"Kung isa kang tunay na Gold. Ako mismo ang maghahatid sa iyo sa aking big boss. Ngunit kung isa kang pekeng Gold at mabilis umitim. Sorry pero hindi ka makakarating kung na saan man ang boss ko ngayon. Ano? Tatanungin kitang muli. Gold ka ba?"
