PAGKABUKAS niya ng pintuan nagulat siyang nakatayo sa labas ang lalaki na tila ba kay lalim ng iniisip nito sapagkat nakapikit ito at ngayon ay nakasandal sa dingding. Hindi niya maiwasang pagmasdan ang lalaki, hindi makakailang gwapo ito. Napaiwas siya ng tingin ng minulat nito ang mga mata at tumingin ng diretso sa kanya.
"I already ordered your food but there's no lomi here in my hotel–"
Suminghot siya at sumimangot sa narinig.
"Ikaw na lang kumain niyan kung gano'n! Gusto ko lomi, lomi!" parang batang pagmamaktol niya.
Umangat ang gilid ng labi nito. "But there's no lomi here, what should we do? And by the way, what is lomi? l never heard it before."
Napakamot siya ng kanyang ulo sapagkat natutunganga naman siya sa Ingles ng lalaki.
"Pwede paki-translate sa tagalog ang sinabi mo
