NAGLAKAD na si Beazt patungo kay Speed. Seryoso lang itong nakatingin sa kanyang kaibigan na abot-tainga naman ang ngiti sa kanya. Ang mga kaklase naman nila, seryosong nakatingin lamang sa binata, at ang nangyari kanina, tila ba sinasabi nitong hindi nila dapat maliitin ang hindi niya pagkakaroon ng aura.
“Iyon ba ang kapangyarihan mo? Ang gamitin at higupin ang aura ng malapit sa ‘yo?” tanong ni Speed na kasalukuyang pinagpagan ang uniporme ni Beazt.
Napatingin naman si Beazt sa kanang kamay niya nang sandaling iyon. Naaalala pa rin kasi niya ang pakiramdam ng may dumadaloy na aura sa kanyang buong katawan. Sinubukan din niyang magpalabas ng aura, subalit mukhang sa oras na magamit niya iyon ay mawawala na rin ito. Ibig-sabihin, wala pa rin siyang aura kahit makahigop siya mula s
