HINDI ugali ni Beazt ang makipag-usap sa sinuman. Kahit nga sa mismong kaibigan niyang si Speed ay bihira lang din niyang gawin ito. Pero nang umagang maghahanda na uli sila sa pagtawid ng ilog ay napagpasyahan niyang sabihin ang kanyang kutob sa mga kasama niya. Kahit hindi niya gustong gawin ito ay naisipan niyang bigyan ng impormasyon ang mga kasama niyang hinggil dito.
“May higit na malalakas na mga hayop sa kabila ng ilog na iyan. Posibleng kaya rin nilang mag-anyong tao at may pambihira rin silang lakas na kayang kitilin ang ating buhay,” seryosong winika ni Beazt kina Luke at Enma. Suot na niya ang kanyang damit na pinatuyo niya sa tulong ng kasamahan niyang gumagamit ng apoy. Si Freya naman ay pasupladang sinabi rin sa dalawa ang ginawang pagliligtas sa kanila ni Beazt kagabi n
